ថ្ងៃអាទិត្យ ទី៦ ខែឧសភា ឆ្នាំ២០១២ ម៉ោង ១៤:៥៨
រាជធានីភ្នំពេញ ៖ ក្រុមបាល់ទាត់ភ្នំពេញក្រោន បានបំបាក់ក្រុម Yeedzin របស់ប្រទេសប៊ូតានឱ្យចាញ់៨-១ សម្រាប់ការប្រកួតបើកឆាកដំបូងក្នុងវគ្គជម្រុះវិលជុំពូល B ក្របខណ្ឌ AFC President’s Cup 2012 ដែលធ្វើឡើងនៅលើទីលានពហុកីឡដ្ឋានជាតិ កាលពីរសៀលថ្ងៃទី៥ ឧសភា ខណៈក្រុមDordoi Bishkek របស់ប្រទេសកៀហ្ស៊ីស៊ីស្ថាន ឈ្នះក្រុម Nepal Policeក្នុងលទ្ធផល៥-១ ។
នៅក្នុងតង់ទី១ ក្រុមភ្នំពេញក្រោនរកបាន៣-០តែប៉ុណ្ណោះ ។ កីឡាករគួច សុុកុម្ភៈ ខ្សែប្រយុទ្ធរបស់ក្រុមភ្នំពេញក្រោន ជាអ្នករកបាន១គ្រាប់នាំមុខមុនដែលទាត់បញ្ចូលទីនៅនាទីទី២០ បន្ទាប់មកត្រូវកីឡាករឃឹម បូរី ពាក់អាវលេខ៧ បន្ថែមបាន២គ្រាប់ទៀត នៅនាទីទី២៦និងទី៤១។ នៅក្នុងតង់ទី២ ក្រុមភ្នំពេញក្រោនបានបន្តគ្រប់គ្រងទៅលើក្រុម Yeedzin កាន់តែខ្លាំងជាងមុន និងរកបាន៥គ្រាប់បន្ថែមទៀត ដោយកីឡាករអ៊ុក សុធី ពាក់អាវលេខ៨ រួមចំណែករកបាន១គ្រាប់ និងគេដែរ នៅនាទីទី៥៤ ខណៈកីឡាករសួស ស៊ូហាណា ពាក់អាវលេខ១៧ រកបាន១គ្រាប់ បន្ថែមនៅនាទីទី៦១។ កីឡាករឆ្នើម ឃឹម បូរី រកបាន១គ្រាប់ទៀត នៅនាទីទី៦៦ បន្ទាប់មក ពីរគ្រាប់ទៀតជាចំណែករបស់កីឡាករសុខ ផេង ពាក់អាវលេខ១៩ នៅនាទីទី៧៦ និងកីឡាករហុង ផេង ពាក់អាវលេខ២៥ រកបាននៅនាទីទី៨៥ ។
ពេលនេះ ក្រុមភ្នំពេញក្រោន និងក្រុម Dor doi Bishkek រកបាន៣ពិន្ទុម្នាក់មុនគេហើយ និងនៅថ្ងៃទី៧ ឧសភានេះ ក្រុមភ្នំពេញក្រោន បន្តជួបក្រុម Nepal Pohice ជាបន្តទៀត ។ ចំណែកក្រុម Yeedzin ជួបក្រុម Dordoi Bishkek ៕
No comments:
Post a Comment